[音樂] 【年底開跨年演唱會】星期日立春 劉德華提早同大家拜年

(蘋果日報即時新聞)

劉德華舊年1月喺泰國拍廣告時意外墮馬受傷，導致盆骨撕裂，經過近一年嘅休養，康復進度理想，日前華仔仲宣佈今年底會喺紅館舉辦聖誕同跨年演唱會，令唔少粉絲歡喜若狂！ 

農曆新年將至，今日華仔就提早同大家拜年，記得佢喺2005年嘅春晚，華仔發佈嘅賀年歌《恭喜發財》，至今都唱到街知巷聞，呢首歌今年更受到大陸嘅大型生活平台垂青，搵嚟華仔嘅音樂拍檔李安修同陳德建將經典大翻身，將歌曲重新填詞同改編，製作咗「恭喜發財五福來」一曲兼製作MV，雖然喺MV上華仔冇現身，但係都特別請嚟動畫團隊製作咗以五隻可愛、舞藝超群嘅獅子做主角，佢哋仲完全依照華仔嘅舞步描繪勁舞熱歌，充滿喜慶同活力。

來源: https://hk.entertainment.appledaily.com/enews/realtime/article/20180201/57781036?_ga=2.76333845.1448136403.1517190179-469976785.1510907549