[電影]【同林嘉欣做夫婦】一把年紀仲要做周秀娜男友 劉德華:真係有啲唔好意思 / 【演情侶】劉德華擔心一把年紀 周秀娜嫌戲少唔夠喉


2019-06-19

(蘋果日報即時新聞)

林嘉欣在電影《掃毒2天地對決》上與劉德華飾演夫婦,2人加上周秀娜有一段三角關係,嘉欣表示與華仔相識多年,今次是首次在大銀幕上合作,嘉欣表示:「第一次同華仔合作,仲係飾演佢嘅老婆,我驚畀人妒忌呀,哈哈!開工見到華仔事事都親力親為好落力,加上佢係電影監製,會同我講好多detail位,幫到我演得更深入。」他們開工第一日,已經拍攝在家甜蜜相處的場面,但同樣也要拍嗌交的場口,嘉欣坦言壓力爆棚,並說:「有時演員嘅情緒起伏好大,而華仔可以照顧埋我脆弱嘅一面,所以我非常信任佢。」 

娜姐在戲中飾演華仔的前度女友,雖然他們只有一場分手的激動場口,娜姐說:「華仔好有親和力,合作起上嚟唔會驚,反而好舒服,我今次演佢前度女友,拍得一日真係唔夠喉!最初我都擔心同劉德華合作,會唔會有種距離感,佢在現場可以將自己嘅緊張轉化成與彼此嘅默契,令到之後拍攝都好順利。」

至於周旋在兩女之間的華仔,他笑稱與嘉欣戲內戲外都非常合拍,有一種相逢恨晚的感覺:「冇諗過同嘉欣喺螢光幕上係咁似一對夫妻,可能呢啲就係天生嘅化學作用。」至於與周秀娜的合作,華仔坦言有一種不好意思的感覺,他笑說:「其實我都一把年紀,仲要同佢演男女朋友,不過我演完後覺得選角真係好好,佢嘅創造力係好高,亦都好希望喺演出方面可以搵到啲新血碰撞一下,可以令自己進步。」
 
對着周秀娜,華仔竟然有點不好意思。

華仔表示與嘉欣有一種相逢恨晚的感覺。

林嘉欣表示埋位前華仔都會親自對戲。
 
********************************************************************************

【演情侶】劉德華擔心一把年紀 周秀娜嫌戲少唔夠喉 

(明報即時新聞)

劉德華(華仔)在新片《掃毒2天地對決》中,周旋於林嘉欣和周秀娜兩大女神之間,他大讚今次選角方面很合適,跟二人合作有一種從未遇過的新鮮感,「無想過和嘉欣在熒幕上會咁似一對夫妻,可能這就是天生的化學作用」。至於跟周秀娜演情侶,華仔直言當初對這關係感到很不好意思,他笑說:「其實我都一把年紀,還要同她演男女朋友。不過我演完後覺得選角真的好好,之前有睇她的《29+1》,她的創造力好高,好希望在演出方面可以搵到些新血碰撞一下,可以令自己進步。」

林嘉欣與華仔相識多年,今次是他們在大銀幕上首次合作,嘉欣說:「第一次同華仔合作,還要飾演他的老婆,我驚被人妒忌呀,哈哈!開工見到華仔事事親力親為好落力,加上他是電影監製,會和我講好多細節,幫助到演得更深入。」

周秀娜在戲中飾演華仔前女友,二人首場戲亦是唯一一場對手戲,講述他們分手的激動場口。她說:「華仔好有親和力,合作上不會好驚,反而好舒服,今次演他的前度女友,拍得一日真是唔夠喉。最初有擔心和劉德華合作會不會有種距離感,他在現場可以將自己的緊張,轉化成與彼此的默契,令到之後拍攝好順利。」

Image 2 of 5 – 劉德華和周秀娜在新片《掃毒2天地對決》中是情侶關係。

Image 3 of 5 – 劉德華與周秀娜在戲中唯一一場對手戲就是這場分手戲。

Image 4 of 5 – 林嘉欣與華仔首次在大銀幕上合作。

Image 5 of 5 – 林嘉欣笑言戲中飾演華仔老婆,怕會引來大家的妒忌。

來源: https://ol.mingpao.com/ldy/showbiz/latest/20190619/1560922702653/%e3%80%90%e6%bc%94%e6%83%85%e4%be%b6%e3%80%91%e5%8a%89%e5%be%b7%e8%8f%af%e6%93%94%e5%bf%83%e4%b8%80%e6%8a%8a%e5%b9%b4%e7%b4%80-%e5%91%a8%e7%a7%80%e5%a8%9c%e5%ab%8c%e6%88%b2%e5%b0%91%e5%94%94%e5%a4%a0%e5%96%89


1
AWCCN12347
鄧春榮
其实我也想老大跟娜姐的戏份多一些,这样看起来更有满足感。
00:52 在 2019-06-30