[電影]【娛樂人物】古仔華仔兄弟情突破


2019-07-03

(蘋果日報)

古天樂和劉德華同為現時香港影壇最有影響力的影帝、又是最受歡迎男歌手,二人在圈中都有班好朋友、好兄弟,今次合作拍攝的新片圍繞愛情、親情,以及兩個男人都重視的兄弟情。
撰文:張俊銘
攝影:沈健程

古天樂及劉德華的暑假檔電影《掃毒2天地對決》,是兩人自20年前的《龍在邊緣》、2002年《嚦咕嚦咕新年財》及2007年《門徒》後,再碰頭的新作。華仔為電影主題曲填詞,歌詞內容描寫兄弟情,他說:「做兄弟係要坦白,互相溝通係需要,首歌亦寫咗自己心聲。」對於抗拒唱歌,但又攞到最受歡迎男歌手,古仔說:「唔係話唔難,錄音嗰日我唔知華哥都嚟,錄完之後佢話聽吓,我話唔聽,不如你聽,我冇一次翻聽,我好怕聽到自己唱歌把聲。」

 

防脫髮秘密

對於兄弟定義,華仔認為兄弟不論時間、身份:「早前約番小學同學見面,仲可以見番17個,全部20幾個,有6個係女仔,傾開偈呢條?仔我以前揼過,隔咗咁耐大家可以閒話家常,嗰啲就係兄弟,兄弟亦能夠為大家付出。」古仔說:「我啲同學認識咗30幾年,都可以話係兄弟,兄弟之間會有爭拗、誤會,我同啲同學都會有,但時間耐咗,個個都有自己家庭同小朋友,時間耐咗回頭看,乜事都好簡單好小事。」古仔分享兄弟間一件趣事:「我一位同學影咗張相畀我睇,我讀文科班,佢理科班,相當經典,佢嗰班全部甩晒頭髮,冇一個唔甩,佢問我點解啲頭髮唔甩,我話咗畀佢聽個秘密,但係佢冇辦法改變,因為已經甩晒。」

華仔今次身兼電影監製,對製作特別緊張,戲中有中環港鐵站飛車場面,華仔說:「成件事好完整,諗點撞入去,由搭景到拍攝,在街上追逐,諗啲慳錢拍法,在廠拍咗一部份,導演對拍攝及動作處理做得好好。拍攝用咗好多真人,現場每個位置拍我都先裝炷香,大家試好晒,每次都好緊張。」

 

為造型黐鬚

古仔表示拍攝前難以想像在港鐵站飛車:「其實?家有好多CG特技可以幫到,覺得部戲有好多唔同創意,有好多不同諗法,好期待。我好鍾意揸車,不過就好危險,導演冇俾我揸,如果畀我揸就好。」他指今次在造型上有很大突破:「今次造型唔同啲,不過我幾憎黐鬚,大力講嘢啲鬚就甩,好麻煩。」

《掃毒2》劇情除販毒外,友情、愛情及親情也是故事中重要元素,華仔說:「我有份做後期,睇咗所有人演出,出殯場戲比較深刻,古仔、苗僑偉同我三個人代表三個唔同價值觀,友情、愛情、親情,苗僑偉對事嘅掌控,古仔表現值得一讚。」他更劇透指觀眾遲入場的話,便會錯過古仔被斬手的重頭戲。古仔指戲中的華仔個性固執,他說:「被斬手場戲好深刻,兄弟咁多年情,我覺得佢死牛一邊頸,阿公講乜佢都聽,都冇聽我講嘢,就導致我哋兩個之間決裂,成套戲都係嗰場戲而帶出。」

華仔(左)與古仔第四度合作拍攝新片《掃毒2天地對決》。

古仔希望每次演出造型都有不同,今次在《掃毒2》中少有地黐鬚。劇照

1999年古仔(左)和華仔首次於電影《龍在邊緣》中合作。劇照
 
**********************************************************************************************************************

點名揀林嘉欣做老婆

(蘋果日報)

華仔今次身兼電影監製,對製作非常嚴謹。

華仔今次身兼電影監製,對製作非常嚴謹。
 
身兼《掃毒2》監製的劉德華是次親自選角,拍板林嘉欣飾演其妻,雖然嘉欣入行近20年,為不同電影角色演出,但她與華仔卻是首次合作。據知嘉欣當時非常期待兩人合作,更為華仔首次披婚紗。華仔說:「我一直覺得嘉欣同我好襯,但未有機會合作,今次指定揀佢,覺得揀得好啱,出來效果很好,首日合作就由認識、結婚以至反面,一日拍晒,因為要一日拍晒屋企嘅戲份,嘉欣處理得好好,佢吸收得好快,能夠達到我哋要求。」
 
華仔指嘉欣當時拍完《廉政風雲》緊接拍《掃毒2》,很快投入新角色,發揮水準。華仔與嘉欣同是素食者,兼近年同樣榮升做父母,華仔透露不用埋位時,二人有不少共同話題互相分享。
華仔認為林嘉欣與他在螢幕上非常合襯。《掃毒2天地對決》劇照
 

1
AWCCN05785
【晉江】♛阿朙♛®
👍👏🎉
14:19 在 2019-07-05