[電影]《拆彈專家》慶功賀票房破3億 華仔報喜﹕我哋開第2集啦 /【馮仁昭四圍超】《拆彈》拍續集 養傷華仔:會雙倍奉還


2017-05-05

【明報專訊】劉德華監製兼主演、邱禮濤執導的電影《拆彈專家》於中港台及星馬等地上映至今,累積票房突破3億1000萬港元,成績理想。片商林小明前晚在尖沙嘴設慶功宴,除了跟出席的演員姜皓文(黑仔)、吳卓羲、蔡瀚億(Babyjohn)、石修、廖啟智、尹揚明及何華超舉杯共飲,更即場致電在家中養傷的劉德華一起慶祝。

劉德華在電話中說﹕「我係劉德華,大家好,所有兄弟姊妹多謝晒!台前幕後的手足,花了好多時間幫我宣傳,仲有導演,多謝晒! 將來我一定雙倍奉還。最開心勞動節,大家勞動完就有開心的成果……呀……我都唔識點講,多謝所有入戲院支持的觀眾。」主持續問華仔有無說話跟在場的手足講。華仔大叫﹕「我哋開第2集啦!」主持叫華仔快點康復歸隊。華仔回應﹕「一定、一定,聽到這個票房,我個病都好得快啲。」

吳卓羲內地戲院謝票驚被掟鞋

吳卓羲剛從內地跑宣傳回來,談到於7天內跑6個城市,其中對南寧一站最難忘,他說﹕「映片播放中途暫停,然後我們闖入戲院謝票,當時好驚被觀眾掟鞋,好彩觀眾見到我們就尖叫。」他笑言謝票時被人追問何時回無綫拍《衝上雲霄》續集,他已表明暫時以拍戲為主,亦有觀眾關心華仔何時復工,他都希望偶像盡早康復,感謝對方找他拍大製作,在影壇開展好的開始,又透露目前有傾新劇本,不過本月中會先拍網劇。

黑仔Babyjohn望華仔同行宣傳

姜皓文(黑仔)表示早前到廣東省宣傳,好多觀眾看不出戲中的紅隧是搭景,以為是借真紅隧取景。Babyjohn好開心飾演的人質角色感動觀眾,被封「催淚漢」。他笑說﹕「我入場睇都喊到黐線,見到場內好多紙巾,睇到個場濕晒,我好開心,好變態。」該片取得好成績,黑仔和Babyjohn提議拉隊重遊東南亞謝票,若華仔能加入同行就更好。

仍在家中養傷的劉德華笑言聽到電影已破3億票房,病都好得快啲。
 

來源: http://ol.mingpao.com/php/showbiz3.php?nodeid=1493921291263&subcate=news&issue=20170505

************************************************************

 

【馮仁昭四圍超】《拆彈》拍續集 養傷華仔:會雙倍奉還 

(蘋果日報)

吳卓羲、蔡瀚億(BabyJohn)、姜皓文前晚喺尖沙嘴出席電影《拆彈專家》慶功宴,香港票房截至前日已經有1,922萬元,連同中台等地票房,已收超過3億1千萬元。身兼演員、監製職位嘅劉德華,雖然仲養緊傷,但依然透過電話同在場人士打招呼,主持打開電話嘅speaker之後,華仔話:「我係劉德華,大家好。所有嘅兄弟姊妹多謝晒。台前幕後嘅手足,亦都花咗好多時間去幫我宣傳,仲有導演,我第時就會雙倍奉還。我最開心係勞動完之後,大家有咁開心嘅成果。哎吔!我都唔識點講喇,總之多謝所有入場嘅觀眾啦,同埋恭喜導演同手足,我哋開第二集啦。」令到全場人士歡呼。

謝票怕俾人飛鞋

今次重點替華仔宣傳嘅吳卓羲,佢話去咗內地7日走咗6個城市,仲話最抵死嘅一場謝票,係放到一半停機,入場同觀眾打招呼,佢話:「我好驚俾人飛鞋,因為播到一半好緊張,不過好彩係司儀行入去先,最後都冇事。」BabyJohn話因為戲中角色多咗個花名叫「催淚漢」,BabyJohn話:「嗰幕好催淚,我睇首映時係第一次睇,因為好緊張自己嘅表現冇喊,但第二次入場睇真係爆喊,同埋好開心,見到戲院一地都係紙巾,真係睇到場都濕晒,我真係好變態,見到人喊好開心。」不過呢一集華仔已經炸死咗,至於續集佢用乜嘢方法登場就冇人知嘞。

‘■華仔前晚透過主持打開電話嘅speaker,多謝台前幕後嘅手足。

來源: http://hk.apple.nextmedia.com/entertainment/art/20170505/20010831

****************************************************************************

《拆彈專家》票房火速破3億 慶功宴上華仔敲定拍續集

香港文匯報訊(記者 李慶全)電影《拆彈專家》於兩岸三地及星馬的票房衝破3.1億港元,其中香港上畫兩周亦已收1,800萬元,為慶祝獲得佳績,片方前晚舉行慶功宴,吳卓羲(Ron)、姜皓文、蔡瀚億(BabyJohn)及尹揚明等演員齊齊出席。監製及主演的劉德華雖在家養傷未能出席,但華仔感興奮,更透過電話向現場台前幕後送上祝賀及鼓勵,同時宣佈開拍續集!

在慶功宴上,大會人員即場致電劉德華報喜,於電話筒傳來華仔的興奮語調說:「我是劉德華,大家好,大家好!所有兄弟姊妹,多謝晒,還有台前幕後一班手足,花了很多時間去宣傳,第時我一定雙倍奉還!」

司儀問華仔現最開心是什麼?他說:「勞動節嘛,勞動完有開心成果。唉,我都不知怎樣講……多謝入場支持我們這部戲的觀眾,恭喜導演、恭喜手足!我們開第二集喇!」當華仔開金口說會拍續集,全台上下齊聲歡呼,更叫華仔早日歸隊。華仔聞言笑說:「一定、一定,聽到這麼好票房,病都好得快一點!」

吳卓羲高興有這理想票房成績,也不枉他七日走訪內地六個城市宣傳,他最開心是知道在勞動節假期當天,全國收6千萬元人民幣票房。

南寧謝票放映途中現身

Ron笑言之前到南寧站謝票,但大會是安排他跟BabyJohn在電影播映中段時進場見觀眾,他笑說:「我不知幾擔心會有鞋飛過來,好彩是司儀先出場!」問他有否被觀眾集郵?「是我去集郵影觀眾才對!」

連場謝票時觀眾都有發問問題,Ron笑指大部分觀眾最關心他何時返無,還有何時再拍《衝上雲霄》。觀眾又有否關心華仔?他指觀眾於網上都知華仔受傷的消息,也關心他何時才可出來見大家,Ron說:「我都希望華哥早日康復,盡快出來。我沒有找他,讓他好好休息,不過華哥有傳視頻給大家看!」今次電影有好成績,Ron坦言未來都想專注拍電影尋找突破,但本月中他會先拍邵氏網劇《飛虎極戰》,其它電影劇本則在洽談中。

BabyJohn樂於搞喊觀眾

姜皓文(黑仔)非常滿意《拆》片票房,BabyJohn更自爆獲觀眾封他為「催淚瀚」,因戲中他演休班警察被挾持,但華仔未能營救而犧牲性命一幕,令不少觀眾感動落淚。BabyJohn試過靜靜入戲院看反應,聽到後排觀眾有飲泣聲,散場後更發現地上遺下不少紙巾,他笑說:「觀眾喊我就開心,因為感動到他們!」

■《拆》片台前幕後齊來祝酒。■《拆》片台前幕後齊來祝酒。

來源: http://paper.wenweipo.com/2017/05/05/EN1705050002.htm


0