[其他]【下星期三56歲】提早開生日會慶祝 劉德華：一家人笑聲不斷

(蘋果日報即時新聞)

劉德華呢個月27日就56歲牛一，佢每年都一定提早同華仔天地粉絲慶祝，今年初華仔喺泰國拍廣告時，不慎墮馬受傷，但華仔憑住堅毅意志，上月已精神奕奕復工，並宣傳主演電影《俠盜聯盟》。

華仔噚日假九展舉行生日會，提前同粉絲慶祝，佢前晚先喺官網貼相後留言：「奇怪……我居然有些緊張！」噚晚粉絲見到華仔時開心又興奮，華仔今日凌晨更新官網，並分享咗生日會相，仲留言：「一家人笑聲不斷！夢中再次相見！」相中見到華仔笑容滿臉，佢全套老西襯白波鞋，型爆現身，粉絲即留言送老大祝福。

華仔超級粉絲、「索媽」歐陽妙芝噚晚都有出席派對，同場仲有星級排舞師Sunny Wong、羅蘭同黃允材等，而羅蘭同黃允材都給壽星仔送上大利是。妙芝今日回覆《蘋果》時話：「精神靚仔，風釆依然，祝華仔身體健康。」

歐陽妙芝讚華仔精神靚仔，風釆依然。

羅蘭姐及允材送上利是俾華仔（Andox &黑仔 facebook圖片）

來源: http://hk.apple.nextmedia.com/enews/realtime/20170917/57222056