[其他]【中氣十足】眾星拍片力撐劉偉強 劉德華靈活自如/ 【又係主旋律電影】受傷休養半年 華仔企起身谷《建軍大業》

(明報即時新聞）

由導演劉偉強執導電影《建軍大業》，將於8月3日在香港上映，獲好友劉德華、梁朝偉及劉嘉玲齊齊拍片支持。當中華仔更是大傷初癒，只見他在鏡頭中氣十足，不時有力揮動手臂，動作相當靈活，華迷可以放心了﹗

昨晚《建軍大業》於北角新光戲院舉行首場試映會，吸引近千位觀眾捧場，不少人事後大讚「好感動」。劉偉強當晚更出席映後的座談會，以真誠又抵死幽默態度，跟現場觀眾交流。有婆婆多謝導演為她帶來這部電影，話要再入場支持；亦有觀眾表示感動到哭了出來。

Image 4 of 6 – 劉偉強執導新片《建軍大業》8月上映，劉德華與梁朝偉這對《無間道》組合齊齊力撐。

******************************************************************

【又係主旋律電影】受傷休養半年 華仔企起身谷《建軍大業》 

(蘋果日報即時新聞)

劉德華年初喺泰國拍廣告期間墮馬受重傷，回港後積極養傷嘅佢，一直未有亮相公開活動，只係曾經喺5月尾，曾經同老婆朱麗倩現身資深電視人陳佩華嘅喪禮，當時都仲見佢撐住枴杖出現。

到今日，劉德華為撐劉偉強執導嘅《建軍大業》，終於唔使用枴杖，精神奕奕站起來，之前有報道傳佢聲音沙啞，短片中，華仔聲音仍未回覆響亮，不過電影公司就貼心加咗段戰爭音樂作背景襯托，成件事即時振奮抖擻起來。另外亦有導演老友梁朝偉同老婆劉嘉玲，分別用普通話同廣東話，講幾句話要支持劉偉強。

又講番《建軍大業》，呢套戲係慶祝建軍90周年獻禮影片，以「青春英雄影片」作號召，亦係「建國三部曲」系列電影第三部，前兩部係09年由導演韓三平、黃建新嘅《建國大業》同11年，同樣由呢兩位導演執導嘅《建黨偉業》係第二部曲。

嚟到第三部，竟然搵擅長拍《古惑仔》、警察臥底、臥底警察嘅香港導演劉偉強，至於演員陣容，就棄用頭兩集劉德華、周潤發、梁朝偉等巨星，反而搵咗大陸半個娛圈當紅新力軍入劇組，不過一班靚仔靚女嘅演技呢，就俾人批為太過幼嫩，成班柴娃娃，難擔大旗。

除咗劉偉強嘅《建軍大業》，導演彭順亦唔執輸，最近拍另一齣主旋律愛國電影《我的戰爭》，早排亦有許鞍華嘅《明月幾時有》，不過前兩齣戲，兩位導演表達對阿爺至志不渝、忠貞不二，反觀《明月幾時有》，雖然被欽點為獻禮香港回歸二十周年嘅作品，但隱隱浸出香港人抗爭嘅意味，導演大膽起用曾經喺14年唱過雨傘歌《撐起雨傘》嘅葉德嫻，雖然宣傳電影時，刻意低調曝光，但明顯喺戲中，葉德嫻先係真正女主角。

 身在紅洪主流中，其實尚有導演，一息尚存，保持一貫言志嘅態度。

拍片撐老友劉偉強。

華你精神都唔錯，係把聲仲有啲沙啞。

 

來源: http://hk.apple.nextmedia.com/enews/realtime/20170718/56970762