[電影]【受傷205日】墜馬華仔8月復工去台灣 出席新片記者會

(蘋果日報即時新聞)

55歲劉德華(華仔)噚日喺華仔天地官方網站留言「Are you ready？」……外界估華仔已完全康復，今日台灣傳媒報道，華仔會復出宣傳新片《俠盜聯盟》，8月10號就去台灣出席記者會同映前見面會，受傷205日，終於可以公開同大家見面! 

華仔今年1月17號喺泰國拍廣告時不慎墜馬，造成骨盆多處骨折、筋腱肌肉拉傷，返港休養大半年，未有公開露面，不過華仔為咗唔想fans擔心，間唔中就會喺官網向粉絲報告康復進度，fans知華仔終於復出，應該都好放心!

話晒華仔喺《俠》片中，演出之外，仲埋做監製，華仔喺片中演神偷，有唔少動作場面，其中有一場進入密室嘅戲，華仔懸吊喺空中，點知唔小心撞到地洞邊緣，導致頭部受傷，華仔都忍痛完成拍攝；又有一次唔少演員要去工廠拍戲，工廠塵埃好嚴重，但演員又唔可以戴口罩，就連咳嗽出嚟囓痰都係污糟，嗰場戲佢哋喊咗好耐，把聲有啲啞、喉嚨又有啲痛，儘管環境惡劣，仍然認真對待每個鏡頭，「因為當演員就是這麼辛苦」。

來源: http://hk.apple.nextmedia.com/enews/realtime/20170725/56999597