[其他]劉德華囡囡1歲生日充滿愛 只曬蛋糕照片 繼續不曝光 / 華仔囡囡生日大宴群星

劉德華囡囡1歲生日充滿愛 只曬蛋糕照片 繼續不曝光

(明報專訊) May 10,2013

劉德華的愛女劉向蕙（Hanna）昨日1歲生日，有女萬事足的華仔每次出席活動都自言好幸福。雖然華仔不讓女兒的照片曝光，不過囡囡健康成長，令他感到幸福和高興。

昨日是向蕙1歲生日，華仔在官網上載寫上女兒英文名Hanna的蛋糕照片，他寫道：「愛，和祝福，豈止一生一世，還要感謝家人的愛與祝福。華仔老爸。」充滿溫馨愛意。

傳前日設宴慶祝

為了不讓女兒容貌曝光，華仔設法逃離狗仔隊視線，為妻女安排多個住家之餘，亦加強保安及安裝防偷拍儀器。為免行蹤敗露，華仔昨日沒有露面，相信只會一家人靜靜地為女兒慶祝生日，兼為太太朱麗倩預祝母親節。有消息指華仔前日下午已為女兒在半島酒店擺1歲生日會，除了一家三口出席之外，好友苗僑偉、黃日華、鄭秀文等都赴會，齊齊去見「小龍女」。

文：娛樂組

來源: 連結

****************************************************************************************

華仔囡囡生日大宴群星

(蘋果日報) May 9, 2013

劉德華老婆朱麗倩上年5月9日生咗個女，改名劉向蕙，英文名叫Hanna，劉華過咗50歲做老竇，梗係開心啦！今日就係佢個女滿一歲嘅生日，所以佢噚日特別喺尖沙嘴半島酒店同個女搞咗個生日會，除咗佢一家三口主人家出席外，華仔父母、好友苗僑偉（三哥）、鄭秀文、吳君如、黃日華、林子祥同葉蒨文夫婦都有到賀。

雖然華仔已婚有女已經唔係秘密，但佢依然好低調，噚日大約下晝一點，佢出動四部拉晒簾嘅黑色七人車送佢同老婆、囡囡去半島酒店，酒店專登開咗後門停車場畀佢四部車停泊，落車時除咗華仔一家三口，其餘三部車都係坐滿保鑣，一團保鑣將華仔同家人團團圍住，護送上酒店樓上嘅宴會廳開生日會。

三哥：都幾開心
華仔喺女兒生日會，全程四萬咁口，心情靚極，一副有女萬事足嘅老竇樣出晒嚟，生日會大約3點幾結束，噚日馮仁昭打畀三哥，問佢係咪啱啱去完華仔囡囡生日會：「呢啲都係問番華仔本人好啲，佢一向低調。」再問佢個生日會搞得開心嗎？三哥話：「都幾開心，不過佢啲嘢都係唔好講咁多啦！」

來源: http://hk.apple.nextmedia.com/entertainment/art/20130509/18253631