[電影]【華鼎獎】劉德華跪低　頒獎畀葉德嫻

(蘋果日報 – 即時娛樂)

劉德華負責頒「年度成就獎」畀葉德嫻（Deanie姐），華仔今次於上台都係跪低頒獎畀對方，佢話上次金馬獎已經跪低頒獎，仲搞笑話唔通今次要趴喺度頒？華仔又話：「如果你哋每人問一個問題，能令觀眾起哄，我就以另一方式頒獎。」

大會司儀連問幾個問題，阿牛講：「我老婆係馬來西亞人﹗」華仔即答：「這個不能問。」（朱麗倩係大馬人）黃婉曼話華仔好重視家庭，華仔再答：「這個不能問。」而另一司儀再講：「揀老婆要同媽媽似，咁華仔標準係點？」華仔都係嗰句：「這個不能問。」阿牛再搭嗲：「阿嫂今晚食咗咩？」咁當然冇答啦。

司儀又問華仔，佢同Deanie姐關係親密到稱呼對方做媽媽，問到兩人關係究竟有幾親密？華仔就爆原來Deanie姐多年前曾為佢同人嘈交，佢話﹕「Deanie姐多年前為我與人嘈交，佢話點解我個仔咁多年都入唔到圍？係咪識做人就得，唔使識做戲0架？」

華仔同Deanie姐關係相當親密。

劉華被司儀喪問私人事，華仔全部冇答。

華仔扶實Deanie姐。

「兩母子」四目交投，幾開心。

劉德華跪低頒獎畀葉德嫻，全場起哄。

來源: http://hk.apple.nextmedia.com/realtime/entertainment/20130410/51340954