【明報專訊】吳鎮宇、張孝全、張可頤、譚耀文及導演黃國強，昨日到大潭出席由劉德華監製的迷你劇《香港華爾街》開鏡儀式。鎮宇表示該劇共5集，每集50分鐘。他透露與張孝全今次完成合作，隨即雙雙飛往馬來西亞合作新戲。張孝全向鎮宇笠高帽，揚言很期待跟影帝鎮宇學做戲，還大讚鎮宇比自己帥。

獲張孝全笠高帽

問鎮宇可有和監製華仔傾過劇本？他笑稱：「不知去哪裏找他，屋企就更加守衛森嚴啦！其實有次在公司見到他，當時大家不知他已出院，不知為何他已出來了。他真的不是一個病人樣，返公司都記招樣，起碼他很整（企）理，不覺他是在病牀出來，但他又起不到身歡迎我們，我們要行到很入先可以和他傾偈，難得他返公司亦要處理那麼多事情，無謂打擾他。」

張可頤感情自由身

張可頤表示與譚耀文已10年以上沒見，她最近不是拍劇便是拍戲很忙。問現階段是否自由身？她稱：「職業和個人都是，順其自然吧！」

來源: http://ol.mingpao.com/php/showbiz3.php?nodeid=1493057229922&subcate=news&issue=20170425

********************************************

【馮仁昭四圍超】Fox頭炮開拍 
四太路過：哦！張可頤 

(蘋果日報)

劉德華監製、吳鎮宇、張可頤、譚耀文等主演嘅《香港華爾街》，係美國福斯傳媒集團（Fox）宣佈進軍亞洲嘅頭炮之一，劇集前晚喺中環九如坊拍外景，由於當時落緊毛毛雨，有份拍嘅好多時都喺帳篷入面休息。其間張可頤趁休息除咗對鞋，當佢發現有記者嗰陣，就有少少尷尬，搵咗兩個工作人員擋喺前面。拍攝中途，賭王四太梁安琪同細女超欣喺附近出現，原來佢哋同朋友喺九如坊食完飯，四太好奇問乜事？知道係拍戲，就問有乜人，仲講咗句：「哦！張可頤。」
《香港華爾街》噚日喺大潭舉行開鏡拜神儀式，吳鎮宇、張孝全、譚耀文、張可頤、陳家樂、蔡潔同潘燦良等都有出席，導演黃國強話華仔喺醫院卧床期間，仍要追收劇本。 

遇華仔唔敢打擾

鎮宇喺劇中飾演金融專家，佢話喺公司見到華仔：「唔係病人樣，返公司都係記招樣，好整理，佢忙緊好多嘢，我冇打擾佢，佢又起唔到身，難得返一日工，好多嘢要處理。」
劇中飾演律師嘅張孝全話：「與余男有一點點親熱對手戲，未知親熱程度。」張可頤今次為《香》劇演出兩集，佢話：「另外有電視劇拍緊，同戚其義合作，?家係自由身，職業同個人都係。」

來源: http://hk.apple.nextmedia.com/entertainment/art/20170425/20000372

******************************************

爆華仔一出院即開工 吳鎮宇歎新劇無女伴好慘

(頭條日報)

昨日，由劉德華監製、黃國強執導以亞洲金融市場為題材的迷你劇《香港華爾街》舉行開鏡儀式，吳鎮宇、張孝全、譚耀文及張可頤等均有出席。鎮宇仲爆之前公司見到華仔，當時華仔仲未公佈已出院，他說：「佢真係無病人樣，返公司都係記招樣，好整理，但我無打擾佢，一佢起唔到身歡迎我，我又要行到好入先可以同佢傾偈，難得佢返一日工，要處理好多事，無謂打擾佢。」

　　而飾演打救本地金融體系學者吳鎮宇表示，跟張孝全有好多對手戲，但無女伴好慘。他透露今季劇有五集，每集50分鐘，完成該劇拍攝後，他緊接到馬來西亞再度跟張孝全合作拍新片，更笑謂可以吃榴槤。

來源: http://hd.stheadline.com/ent/ent_content.asp?track=news&contid=406963&srctype=n