[音乐] 華仔認有創傷後遺症擔心再受傷：啲舞步可能整傷條腰都唔會跳

2018-09-04

華仔認有創傷後遺症　擔心再受傷：啲舞步可能整傷條腰都唔會跳

劉德華2018演唱會今日（3/9）在尖沙咀舉行記者會，過百Fans到場支持打氣，華仔即場獻唱名曲《如果我有事》，令現場氣氛高漲。華仔在台上表演「棟篤笑」，向台下記者表示今日乜都可以問，好咪好驚奇呢，仲話：「你地敢問，我敢答。」有記者即時發問：「今日開學，你今日唔使湊女咩？」華仔笑言：「我就喺知你地會問呢啲問題，所以今日攪哂你地嚟呢度，唔好攪我個女，今早我成個Batman咁，入咗學校都冇人發覺到我。」引到台下滿場笑聲，拍爛手掌。

《My Love Andy Lau劉德華》演唱會將於2018年12月15日紅館隆重舉行，共開20場橫跨2019年。華仔表示：「已經開始排舞，因為之前墮馬受傷之後都會有啲創傷後遺症，都擔心跳舞時會唔會再次整親，但一路都有同我地嘅團隊醫生，排舞師溝通，有邊啲舞步會喺有可能整傷條腰，都唔會跳。」

早前有歌迷排隊買劉華演唱會，被人斬傷，華仔擔心歌迷安危，固取消排隊買演唱會門票，但有年長歌迷投訴唔識上網買門票。華仔表示：「冇咗排隊，如果有需要可以聯絡主辦單位，因為我地都擔心佢地排隊嘅安危。」有咩方法可以打擊黃牛飛？「最緊要大家小心，因為炒黃牛飛嘅人，知道大家都好錫我會買我嘅飛，所以佢地成功嘅幾會又會多咗，希望炒黃牛飛嘅人高抬貴手，唔好炒咁貴，如果你地炒就睇住炒，如果喺呃就唔好囉。」

(轉自香港01)

https://www.hk01.com/%E5%8D%B3%E6%99%82%E5%A8%9B%E6%A8%82/230966/%E8%8F%AF%E4%BB%94%E8%AA%8D%E6%9C%89%E5%89%B5%E5%82%B7%E5%BE%8C%E9%81%BA%E7%97%87-%E6%93%94%E5%BF%83%E5%86%8D%E5%8F%97%E5%82%B7-%E5%95%B2%E8%88%9E%E6%AD%A5%E5%8F%AF%E8%83%BD%E6%95%B4%E5%82%B7%E6%A2%9D%E8%85%B0%E9%83%BD%E5%94%94%E6%9C%83%E8%B7%B3

劉德華自爆開學日化身Batman湊女返學

劉德華將於年尾再踏紅館開跨年騷，心情勁靚的他昨日於記者會上率先「預演」35分鐘演唱會，更有問必答，還搞笑自爆揀開學日舉行記招，就是要引晒班記者出席，等佢可以化身蝙蝠俠靜雞雞湊囡囡返學！

劉德華（華仔）將於12月假紅館舉行《My Love Andy Lau劉德華 World Tour – Hong Kong 2018》演唱會，昨日他以「白馬王子Look」現身記者會，並邀得過百位粉絲、嘉賓及傳媒到場。在35分鐘的活動中，華仔在台上載歌載舞兼做棟篤笑，其間又展示了昔日拍劇及演唱會畫面，當中，最難忘莫過於跳拉丁舞爆褲一幕，他也笑言：「係不可修補嘅裂縫。」

有問必答

心情靚爆的華仔更向傳媒揚言：「今日（即昨日）問乜都得！你敢問，我敢答！」適逢開學日，問到可有湊女放學？華仔打趣道：「就係知你哋會問呢啲，所以搞晒你哋嚟呢度，唔好搞我個女，今早我好似Batman咁，冇人發現我入過學校。」

提到墮馬一事，傷愈的華仔直認有嚴重創傷後遺症，例如停車會驚被後面架車撞上，但謂會樂觀面對，並稱：「神經線破壞咗係唔能夠恢復，我腳趾尾有時會痹痹哋，令我心情有啲煩。」

(轉自都市日報)

http://www.metrodaily.hk/metro_news/%e5%8a%89%e5%be%b7%e8%8f%af%e8%87%aa%e7%88%86%e9%96%8b%e5%ad%b8%e6%97%a5-%e5%8c%96%e8%ba%abbatman%e6%b9%8a%e5%a5%b3%e8%bf%94%e5%ad%b8/

網上搶飛預咗冧Server
華仔創傷後遺：乜都有陰影

劉德華昨日於尖沙嘴洲際酒店宣傳12月舉行的演唱會，其間他又唱又跳，又重溫開騷時經典的爆呔場面，甚至連有關女兒的問題都回答，心情甚好。個唱門票今日公開發售，華仔坦言有心理準備網上搶飛時會冧server，而他重提墮馬一事時，更坦承患上嚴重創傷後遺症：「對乜都有陰影，例如停車又驚後面架車撞埋嚟。」

劉德華將於12月15日起於紅館舉行20場「My Love Andy Lau 劉德華World Tour」，昨日華仔以棟篤笑形式在尖沙嘴宣傳，舉行了一個35分鐘的小型演唱會，其間播出他以前演唱會的造型，包括空中飛人、跳拉丁舞等，對於最難忘的爆呔爆褲相片，華仔形容：「係不可修補的裂縫。」並表示自此做褲時會做闊一點。

60歲Junior幫抹身

唱完歌睇完經典畫面，華仔主動重提墮馬一事：「坐飛機返嚟香港俾一個氣泡包圍，一到香港之後，化妝師就畀四個口罩我，話啲人實會影你，你?家好醜樣。之後喺醫院過年廿八洗邋遢，一班護士長就話幫我洗頭抹身，資深幫我洗頭，junior就幫我抹身，但估唔到junior都60歲。」當螢幕播出華仔墮馬後康復期間撐枴杖的照片時，華仔說：「張相出咗之後，都好多人模仿拎士的嘅相撐我，點知士的商就想趁呢個機會問可唔可以長期合作，我呸！其實我哋搵sponsor好嚴格。」
鏡頭前華仔談笑風生，問他現時身體是否已完全康復？他苦笑說：「喺醫學角度嚟講，神經線破壞咗係唔能夠恢復，我腳趾尾有時會痹痹哋，令我心情有啲煩，好似蛀牙咁。」並坦承墮馬事件令他有嚴重創傷後遺症：「對乜都有陰影，例如停車又驚後面架車撞埋嚟，幾嚴重㖭，自己一路落嚟都覺得樂觀啲啦，唔好諗咁多。」
演唱會不設公開發售，只設網上、流動應用程式及信用卡電話訂購，華仔表示早已預料有冧server的可能：「每樣嘢都要試吓，同好多單位都研究過，其實上年都討論過，起碼阻截到唔好喺街度你爭我奪。」他表示如出現問題，不排除會停止售票：「如果有一啲不正常嘅賣票情況出現，我覺得要諗一諗，睇吓係咪要停咗佢嚟過。」

七嚿腹肌Call唔番

過往華仔在演唱會中有好多飛天遁地場面，他講笑說今次減少動作：「今次淨係瞓喺度，會以安全為主，仲專登邀請咗人用耳機指揮，提住我走位，希望預多少少時間踩場。」嘉賓方面，華仔歡迎大家自薦，同時亦介紹了演唱會的「唯一嘉賓」，正是自己一比一的figure，他說：「都唔知點解七嚿腹肌鴛鴦，但未來日子裏面睇唔睇到七嚿就未必得，因為已經係七年前嘅事，未必返得到嚟，曾經都call過佢，招呼都唔打就cut咗我線。」

華仔昨日心情大好，問到昨天是開學日，有否接囡囡劉向蕙放學？他風騷地說：「就係知你哋會問呢啲，所以搞晒你哋嚟呢度，唔好搞我個女，今早我好似Batman咁，冇人發現我入過學校。」至於開騷時家人會否捧場？華仔說：「點會唔嚟，用吓腦啦！」問到囡囡是否真的會捧場？華仔說：「點知佢睇唔睇，問吓佢先，唔好理我啦，好難正面一一解答各位。」
對於近日連黎明都將囡囡相片放上網，華仔表示不會效法：「我唔會，唔習慣，自己（放相上網）都好少。」再追問太太朱麗倩及囡囡會否睇足20場？華仔大賣關子：「到時你哋睇吓，不過阿女好少聽我嘅歌。」

(轉自蘋果日報)

https://hk.entertainment.appledaily.com/entertainment/daily/article/20180904/20491228

華仔笑稱扮蝙蝠俠護女上學

劉德華（華仔）3日在香港舉辦「My Love Andy Lau 劉德華 World Tour-Hong Kong 2018」世界巡演記者會，熱唱〈17歲〉引起紛絲尖叫。他在1993年首次於紅館開唱，今年56歲的他，笑稱這次演唱會準備56年，「不知不覺25年了，2018演唱會再度呈現。」他在現場也搭配輕快音樂又唱又跳，大展俏皮一面。

華仔提到這次巡迴演唱會原本預計在去年舉行，但發生墜馬意外，因此延期，他說：「因為一點意外，但這也是好事，讓我有更多的時間可以參與。」並親手設計演唱會海報。

布拉格畫瓷盤

他近10年來沒有出新專輯，認為演唱會好像缺少了新歌，他說：「之前趁暑假去布拉格製造了一張大碟。」他一打開盒子，竟是他親手畫製的瓷盤，笑翻全場，他說：「大家放心，演唱會前，我真的想出新歌，大家等我。」

在記者會上，他表示為報答媒體支持，開放大家隨意發問，被問及開學日是否帶女兒去上學，他笑說：「我知道你們會問這些，我搞到你們來這裡，不要搞我的女兒，早上我扮到Batman（蝙蝠俠），一點都沒被人發現我進了學校。」這次連唱20場，家人也都會到場支持。

談到身體復原狀況，他坦言神經已被破壞，腳趾頭有時會感到麻痺，令他心情有點煩，「我對什麼都有陰影，停車會怕後面的車撞過來，有嚴重創傷後遺症，但會樂觀面對。」

(轉自中時電子報)

http://www.chinatimes.com/newspapers/20180904000715-260102