[电影]劉華結婚五周年「都冇買禮物」

劉德華和鄭秀文（Sammi）主演的新戲《盲探》，前晚在九展舉行慈善首映，導演杜琪峯及韋家輝及有份演出的林雪、盧海鵬、朱咪咪及魯芬等亦有出席。當晚首映招待1,668位觀眾入場，成功籌得80萬給樂善堂。
戲中扮演女警的Sammi要爆粗講仆街，Sammi笑言：「我都係講出街啫，其實好開心喺戲中有發揮。」是否要練習很多次？Sammi直言平日生活中亦聽不少，華仔在旁即自爆：「我都有親身演繹畀Sammi睇。」

■華仔和鄭秀文合作無間，兩人希望新戲再創佳績。

Sammi屈安仔睇七次

08年6月23日華仔和朱麗倩在美國拉斯維加斯註冊結婚，今年已是五周年，記者及Sammi即連聲恭喜，華仔即回應：「得喇。」是否和老婆及囡囡劉向蕙一家三口慶祝？華仔亦只答：「得喇，係俾人踢爆咗五年。我都冇買禮物，總之係好正常咁生活。噚日（即前日）都要做嘢，之後返咗屋企，都係講番套戲。」話題轉向Sammi，問會否叫男友許志安購票支持？Sammi笑謂：「有得唔睇咩？起碼要睇三、五、七次，入戲院支持最實際，不過唔使包場，唔使咁破費。」

■（左起）華仔、Sammi與魯芬及朱咪咪言談甚歡。

Sammi之前有演出雷頌德演唱會，問她何時再在紅館開騷？她笑言：「我都蠢蠢欲動，但華仔未開我唔敢開。我想個騷盡善盡美，所以都要好多體力，身體都ready好，但都想出碟先，o依家做緊碟，有新歌。」至於華仔另一套和林志玲合演的《天機．富春山居圖》就被彈到一文不值，著名電影資訊網站IMDb給《天》片只有1.2分，網站中的「BOTTOM100」的頭17位電影都有1.9分，最爛的也高分過《天》的1.2分，認真慘情。