[音楽]冇安全帶　舞台勁搖華仔吊高40呎震住唱

劉德華四場的「ALways劉德華中國巡迴演唱會2013」前晚在上海奔馳文化中心圓滿結束，本月27日是華仔52歲牛一，全場歌迷合唱生日歌，又熱情高呼：「劉德華，我愛你！」令華仔感動到數度拭淚。
演唱會上，華仔除大騷六嚿腹肌，與女舞蹈員跳辣身舞外，還有不少驚險場面。甫開騷華仔被吊高40呎獻唱，但他卻沒繫安全帶，慶功上華仔直言驚險，但沒加買保險，他說：「40呎嗰part我最驚，因為大家睇唔到上面仲有20呎吊住我，好搖。」另水幕效果也令舞台地面濕滑，容易跣親出意外。

笑「流華」整容

華仔又承認眼淺：「我喊足四晚呀！」談到上海有三名歌迷照着他的容貌整容，並稱肯做華仔替身，他笑說：「我唔肯做嘅動作一定好危險，以前都有個叫豆豆嘅人輪廓同我有啲似，歌迷會又有三個人把聲同唱腔好似我。」有指離婚的王菲想出家，華仔說：「唔會啩。」又有傳李亞鵬有第三者，他說：「兩個人離婚原因就唔好去理，只係感覺可惜同傷感。」

沒繫安全帶的華仔被吊高40呎驚險獻唱，其後又被熱情歌迷整喊（右圖）。

■華仔在慶功宴上切蛋糕預祝牛一。

來源: http://hk.apple.nextmedia.com/entertainment/art/20130916/18424723