[其他]劉華睇醫生大陣仗 大廈保安主動封口

(頭條日報)

日前忙於為新電影《盲探》宣傳，又要中港兩邊飛的劉德華，終於都捱到病。日前在助手和保鏢打孖護航下，現身中環名醫林立的中建大廈睇醫生，大廈保安得知巨星駕到，更鎖等華仔免受搔擾，一臉病容的他離去時雖然遇見記者，但都大方揮手微笑任影，無架子。

採訪 : 李維隆、李權威、溫樺、車綺敏

7月4日中、港同步上映的《盲探》，有票房鐵三角杜琪、劉德華加鄭秀文，截至7月13日，內地票房突破1.5億人民幣，意味該片一舉超越《毒戰》，好大機會成為杜Sir最賣座的電影。雖然早前劉華另一套電影《天機‧富春山居圖》口碑和票房麻麻，但《盲》票房報捷，男女主角功不可沒。完成一連排山倒海宣傳後，「牛華」終病倒。

日前下午二時許，黑超劉華和女助手及一光頭保鏢在中環新文華酒店落車，一行三人步去中建大廈，進入大堂，大廈保安神色緊張，不停用對講機查問：「到了！上面準備好未？」然後Hold一部只讓劉華三人專用。

大約一小時後，三人離開大廈時發現記者，劉華不慌不忙單手插袋Chok行，一邊行一邊向記者微笑，反而大廈保安好緊張，派出兩名保安護航兼出手擋鏡頭，直至上車前一刻，記者問劉華是否不舒服，他精簡說：「係！(Sammi(鄭秀文)有無機會憑《盲探》影后呀？)會。」劉華簡單兩句字「係、會」就結束呢次巨星中環出巡Show。

※劉德華一個人睇醫生，幾個人傍實，好有面子。

※光頭保鏢開車門。

※為方便記者影相，他揀坐出邊。

※劉華對關於囡囡的問題一律唔答，問到病情和Sammi才肯開腔。

※劉華同Sammi係票房保證，今次新片亦報捷。

來源: http://www.hkheadline.com/ent/ent_content.asp?track=news&contid=246545&srctype=n