(節錄: 蘋果日報)
【盈盈樂樂 樂盈盈之最後衝刺】最近娛樂圈婚事一單接一單，今日終於輪到盈盈樂樂結婚了。一直是工作狂的錢嘉樂，昨日仍在西九龍為新戲準備；腹大便便的湯盈盈則與周家蔚等相伴，去尖沙嘴瘋狂購物。
錢嘉樂和湯盈盈拍拖五年，今日在海洋公園註冊結婚，還有一對國寶熊貓盈盈樂樂做見證，夠晒別緻。懷有蛇B的盈盈昨日心情靚靚，約埋一班好姊妹周家蔚、梁靖琪（Toby）和鍾麗淇到尖沙嘴嘆下午茶兼購物，實行婚前最後衝刺掃貨。
結婚得4日假
老婆開心購物，做老公的嘉樂當然要努力搵奶粉錢，身為《風暴》動作指導的嘉樂，昨日到西九龍海濱長廊與劇組開會，劉德華與林家棟在現場拍戲。嘉樂說：「劇組畀我放4日假，但之後要返嚟拍一場重頭戲，所以要做啲準備。」他透露昨晚會約一班兄弟見面，傾談反擊姊妹團的大計，他說：「老婆係鬼妹仔，鍾意中國傳統儀式，但上頭唔會係今晚，應該會係擺酒前一晚先上頭，我哋唔使跟得太足，最重要輕鬆同開心。」
採訪：嵐山、張俊銘
攝影﹕陳慧安、黃偉雄
http://hk.apple.nextmedia.com/entertainment/art/20121113/18065189
