[电影]華仔盲探舞拗腰 Sammi讚有心有力

劉德華與鄭秀文（Sammi）昨日於荃灣宣傳新片《盲探》，華仔加Sammi魅力逼爆現場，他們昨日情緒高漲，每對上台fans都被他們查問關係，甚至女士加後生仔配也被問，當fans指是朋友時，華仔鬼馬地說：「我以前都係咁答（當年與朱麗倩的關係）。」更笑指認是情侶的必定是Sammi的fans，因為她較公開。華仔在台上極為風騷，玩遊戲時更親口為女fans咬斷手上繩結解圍，惹起台下嘩聲四起。

華仔與Sammi即場重演戲中的盲探舞甫士，華仔向後拗腰拉着向前傾的Sammi，有一定難度，盡顯腰力的華仔笑說：「呢啲普通嘢，隻舞事前排咗兩個月，不過去到現場，因場地位置唔啱要臨時改晒。」Sammi大讚華仔有心有力，並指舞姿要互相信任借力才跳得靚。

唔擔心安仔

另外，對於Big Four成員先後發生事故，問Sammi會否為男友許志安沖喜擋災？她說：「人總會有高低起跌，我本身唔迷信，所以唔擔心佢。」
另一方面，華仔講到投資的電影《初戀未滿》，執導的女導演劉娟獲得第16屆上海國際電影節亞洲新人獎評委會特別獎，華仔說：「好開心，部戲同我哋同期上，我哋有危險。」對於票房，Sammi則絕對有信心，而結果交給上天安排。問到華仔會否開戲做導演？他透露會專注準備今年演唱會事宜，而電影方面暫時未有計劃。

■華仔突然抱抱，Sammi開心到O嘴。

 

 

來源: http://hk.apple.nextmedia.com/entertainment/art/20130624/18309566