(蘋果日報即時新聞)

劉德華擔任監製、主演兼有份投資嘅電影《拆彈專家》，今日喺灣仔稅務大樓外拍攝拆彈戲份，邱禮濤執導，演員包括吳卓羲（Ron）、姜皓文、蔡瀚億（Babyjohn）及張繼聰等。飾演爆炸品處理課高級督察嘅華仔由吳卓羲協助即場穿上70磅重防爆衣，喺現場拆除土製炸彈。劇組為戲份仿製一部拆彈車，又安排大量仿警車、消防車、警員到場拍攝。

華仔今日喺現場拆解與波士頓馬拉松爆炸案相同嘅土製炸彈，炸彈由壓力煲製成，華仔小心奕奕將炸彈放置入袋中處理。華仔透露，戲中多場爆炸戲中，主要一場大型製作，喺香港貨櫃碼頭搭建紅隧場景，對於是否拍攝紅隧大爆炸，華仔賣關子話:「暫時炸唔到。」

戲中飾演導遊嘅張繼聰笑指，最好玩今次戲中要講國語，佢話:「我認真做戲，但啲人都笑。」Babyjohn喺戲中被身上捆綁炸彈，由華仔營救。

不過認真做嘅華仔啲人係唔會笑㗎，相信大家睇相嘅時候見到佢認真專注嘅神情都俾佢吸引住，最後成功拆彈個笑真係好charming呀！

華仔真係好有型

淨係一個側面都殺死人

華仔無懼近三十度高溫着上70磅重防爆衣

幾時都話認真專注嘅男人冇得輸

YEAH!!!

來源: http://hk.apple.nextmedia.com/enews/realtime/20160605/55188349

************************************************************************

【首拍戲就夥拍華仔】新戲玩炸彈 吳卓羲劉華面前自認肥仔

(蘋果日報即時新聞)

劉德華監製、主演兼有份投資嘅電影《拆彈專家》，今日喺灣仔稅務大樓外拍拆彈戲，一眾演員包括吳卓羲（Ron）、姜皓文、蔡瀚億（Babyjohn）及張繼聰，無懼高溫認真拍攝。

華仔受訪指導演偏向爆炸戲都係現場真實拍攝，約三分之一屬後期製作。華仔話拍攝前都有上堂，學習有關炸彈知識，而今日拍攝現場亦有安排警方真實嘅爆炸品處理課人員在場指導拍攝。華仔透露宋佳同佢會有感情戲，講到吳卓羲有冇華仔影子?華仔話:「佢靚仔，我靚仔過。」吳卓羲卻喺身旁自認肥仔。

吳卓羲離開TVB後參與首齣電影拍攝，華仔形容:「係佢人生美好嘅第一部電影。」吳卓羲話:「同華哥拍戲學嘢，華哥好有耐性教新人，好大壓力，佢蹺手睇我演，酬勞就唔計。」在旁華仔笑言:「佢唔計我唔俾喇，我都係俾錢先有得拍。」有報導指吳卓羲又揸車載女返屋企，Ron回應:「唔講太多，係朋友嚟，再咁搞冇朋友做。」 

大熱天時仲要着住七十磅嘅防彈衣

華仔形容吳卓羲離開TVB拍呢套戲係:「係佢人生美好嘅第一部電影。」

吳卓羲喺身旁自認肥仔

來源: http://hk.apple.nextmedia.com/enews/realtime/20160605/55188468

****************************************************************************

【大熱天時著70多磅防爆衣】劉德華弗爆自認靚仔過吳卓羲

(明報即時新聞)

劉德華有份投資的新片《拆彈專家》今日在灣仔稅務大樓拍攝外景，身為《拆》片監製兼主角的華仔伙拍初登大銀幕的吳卓羲（Ron），拍攝一場處理疑似當年波士頓馬拉松爆炸案的土製炸彈，飾演拆彈專家的華仔更穿上防爆衣，場面逼真。

由於要穿上防爆衣物，華仔和Ron在大熱天時拍到大汗淋漓，華仔穿上的防爆衣重達70多磅，熱的程度相等於當年拍《大隻佬》。問為何邀請Ron在新片演出？華仔笑說：「希望令這齣戲可以青春一點，這是導演（邱禮濤）選角，知道是Ron後，我也舉腳贊成。」Ron即賣口乖稱能跟華仔合作好榮幸，所以不計酬勞。問拍這部戲會否因此瘦了？華仔說：「沒有，反而要增磅，因為要拍姜皓文，他太瘦了，我現在是Fit！」在旁的Ron聽後即笑說：「那麼我就是Fat了！」問華仔覺得Ron有否他的影子？他說：「他比我靚仔，不過我也靚仔過！」

劉德華伙吳卓羲拍新片，齊做拆彈專家。

防爆衣重達70多磅，睇見都熱！

華仔表示新片投資預算1.8億元，自己佔投資其中一部分。