[ムービー]【雷洛回歸】劉德華再演五億探長 甄子丹演潮洲佬收三千萬人仔？ /【當宇宙最強遇上逆齡男神】甄子丹爆華仔片酬貴過佢
(蘋果日報即時新聞)
劉德華、甄子丹、胡然、徐冬冬、劉浩龍、鄭則仕、姜皓文等今日喺屯門為新片《追龍》進行開鏡儀式，今次華仔繼續飾演「雷洛探長」一角，子丹則演「跛豪」，鄭則仕就演「豬油仔」，胡然係扮演「跛豪」後期嘅老婆，導演王晶透露呢部戲仲搵咗周麗淇演「跛豪」鄉下老婆，伍允龍亦會客串演出，王晶表示今次總投資係2億幾人民幣，仲會喺香港搭建九龍城寨同茘園。有傳子丹收三千萬人民幣片酬，王晶話：「咁少，點止呀，華仔又係好高，我哋連飯都冇得食咁滯，但呢個配搭係空前絕後。」對於呢個片種，怕唔怕入唔到內地市場？王晶話：「不知幾鍾意，批咗啦，我哋好穩陣嘅。」
身穿黑色西裝嘅華仔，佢透露現時拍攝雷洛嘅前期，有人指佢逆齡，華仔笑笑口咁話：「我都50幾歲，啱啱又生日。」生日點慶祝？華仔話：「同家人朋友出街食飯，因為做咗十幾年嘅傭人喺五、六月走，返去生仔。」問到生日願望？華仔話：「保持年青。」佢笑言今年收到八至十個「唱K神器」，成家人一齊唱歌？佢笑住話：「我屋企人冇八個、十個。」對於有周刊指華仔老婆朱麗倩八月喺外地秘密生B，咁唔係多個家人咩？華仔即刻話：「冇喎，冇喎，我好清楚話畀大家聽，久唔久就傳一傳。」有指華仔心痛囡囡經常被追訪，所以決定唔俾囝囝曝光，華仔話：「唔會，唔會，大家已經好俾面，如果要追都唔係咁，o依家好好，我喺屋企過得好舒服。」問到囡囡有冇送生日禮物畀佢？華仔扁扁嘴話：「今年冇，上年都有舊泥膠，不過佢有唱生日歌。」吹埋蠟燭？華仔笑住表示：「你哋好似睇到咁喎！」
講到片酬，華仔笑指：「不嬲幾高㗎！但冇人哋咁高。」傳子丹收三千萬人民幣片酬，華仔話：「個個都應該，老闆會衡量邊個值幾多。」華仔指今次係特別演出，不過唔係收友情價，佢話：「我有收片酬，但同以前雷洛嘅唔同身價，希望收足一部戲片酬啦！」
飾演破豪嘅子丹手扶拐仗，大講潮州話，佢表示早前跟老師學潮洲話幾個月。問佢係咪收三千萬人民幣片酬？佢話：「唔好講錢，講錢冇意思，多少唔重要，劉生（劉德華）貴，佢不嬲都貴過我。」此外，問到胡然喺戲中會唔會同子丹有親熱戲？胡然話：「夫妻之間親暱戲都有，但唔會過份。」
(明報即時新聞)
【今日直擊】「宇宙最強」53歲的甄子丹和55歲的「逆齡男神」劉德華，在新戲《追龍》分演「跛豪」及「雷洛探長」，子丹今日戴假髮﹑身穿綠色西裝，以懷舊造型出席電影開鏡儀式。
子丹在戲中與華仔「隻揪」，問到誰勝誰負？他說：「當然是洛哥（華仔）贏啦﹗（你是宇宙最強？）做演員負責做戲，宇宙最強意思是指我什麼都敢試，勇氣好強，好開心今次和劉生合作，未試過，覺得好榮幸。」
有指他的片酬為3千萬人民幣？子丹說：「不要講錢，沒意義，多少不重要，最重要有這個組合，拍好戲給大家看。（華仔片酬貴過你？）他一向貴過我，我唔係好多咋。」
來源: http://ol.mingpao.com/php/showbiz3.php?nodeid=1475046972247&subcate=latest&issue=20160928
甄子丹3000萬人幣演「跛豪」 王晶：咁少 點止呀
【今日直擊】劉德華、甄子丹、鄭則仕、胡然、徐冬冬、秦煌和劉浩龍等今日到屯門青山寺，出席由王晶執導的《追龍》開鏡儀式。王晶表示電影投資了2億元人民幣，華仔演雷洛探長，子丹演「跛豪」。
有傳子丹片酬為3000萬人民幣，王晶說：「那麼少？點止呀？華仔都很高的，我們好辛苦，飯也沒得吃，但這個配搭是空前絕後。（這題材在內地能上映？）不知幾喜歡，批文都取了，如果不是怎敢拍，我們很穩陣的。」
來源: http://ol.mingpao.com/php/showbiz3.php?nodeid=1475045717865&subcate=latest&issue=20160928
******************************************************************************
劉德華否認再做老竇：久不久就傳
【今日直擊】劉德華和甄子丹今日出席電影《追龍》開鏡儀式，昨日有周刊爆華仔太太朱麗倩，已於8月初在外地為華仔秘密誕下兒子。
55歲的華仔否認再做老竇，他說：「沒有，我很清楚告訴大家，久不久就傳。」有傳因為華仔心痛女兒被追訪，故拒公布太太生仔消息？華仔說：「不會、不會，現在都幾好，大家已經好畀面我，要追的話不會這樣，已經好好，我在家已經好舒服。」
昨日華仔生日，他表示收到很多「唱K神器」，女兒劉向蕙有沒有送禮物？華仔說：「沒有，她去年整了泥膠，可能她太忙。（不開心？）不會。（送生日卡？）沒有，但有唱生日歌。」
來源: http://ol.mingpao.com/php/showbiz3.php?nodeid=1475042455961&subcate=latest&issue=20160928
**************************************************************************************
生日收10個「K歌神器」 劉德華爆囡囡泥膠都無送
(頭條日報即時新聞)
劉德華、甄子丹及鄭則仕等，今日在屯門出席由王晶執導的新片《追龍》開鏡拜神。
華仔再度飾華探長雷洛一角，記者笑他恍如逆齡時？他表示因角色是雷洛剛升華探長的時期，並笑說：「我都50幾啦，昨日才過生日，跟家人及朋友出街食飯慶祝。（阿女送咩禮物？）今年冇呀！舊年都有嚿泥膠，今年只唱了生日歌。」
華仔又自爆朋友送了10個8個潮爆的「K歌神器」給他，記者笑言一家人可在家大合唱，他笑說：「我屋企冇8，9個人喎。」
(1/3) 華仔再度飾華探長雷洛一角。
來源: http://www.stheadline.com/inews-content.php?cat=f&nid=1098472
Amy Lam