[电影]周潤發叫華仔家輝讓影帝畀學友 張學友：真係好鬼可憐 我在印度拿過影帝
(明報即時新聞)
周潤發（發哥）、劉德華（華仔）、劉嘉玲、張學友及張家輝等，今晚在會展出席電影《賭城風雲III》首映禮，華仔學友家輝有份角逐今屆金像獎「最佳男主角」，周潤發及劉嘉玲直言看好學友封影帝，周潤發笑說要華仔家輝讓一讓，因為二人已摘過金像獎影帝，張學友卻說：「真係好鬼可憐。大家都說『畀佢啦，沒拿過』，我在印度拿過，不要說我完全沒有，我也有感受過！只是印度當時經濟不太好，所以沒有辦頒獎禮，只是通知我們得獎。」張家輝取笑學友的獎座有咖哩味。提及有網民發起罷看王晶《賭城風雲III》，張學友聞言笑說：「晶哥跟這部戲無關，不要緊，替我們說出去！」周潤發補充：「他在片場多是睡覺，跟這部戲沒什麼關係。」
左起：張學友、劉嘉玲、周潤發、張家輝、劉德華，在會展出席電影《賭城風雲III》首映禮。（鍾偉茵攝）
劉德華（左）上演戲中狂篤周潤發（右）一幕。（鍾偉茵)
張家輝（左）與劉德華（右）（鍾偉茵攝）
來源: http://ol.mingpao.com/php/showbiz3.php?nodeid=1454252410993&subcate=latest&issue=20160131
*******************************************************************************************************************************************
【學友爭影帝，天王要讓路？】華仔愕然：我都未攞，點讓呀？
(蘋果日報即時新聞)
今日《賭城風雲III》喺灣仔舉行首映，片中5位巨星現身，周潤發、劉德華、張學友、張家輝同劉嘉玲喺首映前接受訪問，鬼馬嘅發哥笑學友行得慢扮大牌。
發哥之後搶咪話自己好開心，因為套戲未上已經有3個影帝，因為今年劉德華、張學友同張家輝都入圍金像獎爭最佳男主角。發哥叫張家輝要讓吓大佬（學友），因為學友未攞過金像獎影帝，呢個時候，嘉玲私下問學友：「你邊部戲入圍？」（答應係《暗色天堂》）學友都唔太介意嘅，佢笑言自己當年喺印度憑《男人四十》贏過獎，感受過嗰種喜悅，不過嗰時因為印度經濟唔好，只係通知咗佢一聲，旁邊張家輝好得戚咁話：「個獎有咖哩味！」
發哥大讚學友係印度影帝好厲害，嘉玲就話：「如果我同發哥係評審，我哋一定畀學友，因為佢太少出嚟拍戲。」似乎大家都想學友贏影帝，現場張家輝同華仔都俾人叫讓吓學友，不過華仔就愕然話：「我都未攞，點讓呀？」至於嘉玲似全程發夢，問仲有邊個候選影帝？（答應係劉德華、張家輝、梁家輝、張學友、郭富城）俾發哥笑佢：「你o依家係生意人嚟喇！」
發哥表示有個心願，希望同周星馳、張家輝同劉德華合作拍戲，張家輝即話好有難度，發哥話：「星仔肯嚟就得啦！」張家輝答佢難度就喺呢度囉！學友話今年會推出《家有囍事》（復修加長版），指如果唔係都唔使出復修版啦，暗示星爺唔肯拍，發哥話：「嘩！黃百鳴做導演喎！」嘉玲似乎唔係好明：「黃百鳴有咩問題呀？」發哥解釋：「嘩！佢好鍾意做導演做埋男主角，佢拍咪即係冇得做男主角囉！除非佢好似家輝咁，導又得演又得，你讓吓人啦！」張家輝笑笑口話：「我為興趣啫，冇野心㗎。」
嘉楠1