[电影]烏甸尼遠東電影節閉幕電影 《拆彈專家》獲外國影評人力讚

(蘋果日報即時新聞)

由劉德華監製、邱禮濤執導，寰宇電影投資嘅《拆彈專家》喺香港上映第二個星期已經有近千五萬票房，喺大陸上映兩天票房已過億。電影仲喺宣傳，近日仲成為第十九屆烏甸尼遠東電影節嘅閉幕電影。導演同編劇李敏仲遠赴意大利出席，為電影作海外宣傳。而現場觀眾當中有唔少劉德華粉絲，仲向導演代為問候。 

《拆彈專家》喺首次喺歐洲展映，得到當地觀眾同國際電影工作者嘅極大期待同關注，日前閉幕電影放映有外國影評人指電影嘅氣氛同情節緊張到令人抖不過氣，亦重拾香港電影典型動作片嘅格局。完場後仲全場站立鼓掌，對影片及導演致以最大敬意。而當地嘅警察亦有出席閉幕電影放映，也受影片中 「以生命保護生命」嘅精神感動。 

烏甸尼遠東電影節的主席Sabrina Baracetti表示選擇《拆彈專家》為閉幕電影，係因為其命題係愛與和平，而劉德華係香港電影標誌性人物，歐洲觀眾對佢亦相當熟悉，加上電影中嘅動作場面，係閉幕電影嘅不二之選。而電影節會方又祝願劉德華早日康復，而香港新進導演曾國祥亦有到場捧場，齊撐香港電影。 

《拆彈專家》上映第二週，雖然大敵當前，上映場次被削減，但票房平均仍有過百萬票房，十天累積票房己過1400萬，走勢相當不俗。而自從電影上映後，更有唔少在職嘅拆彈人員網上留言，感謝這部電影畀大家知道佢哋使命嘅重要性。

《拆彈專家》成為第十九屆烏甸尼遠東電影節嘅閉幕電影

導演同編劇李敏仲遠赴意大利出席

 

來源: http://hk.apple.nextmedia.com/enews/realtime/20170430/56633750