喺台灣勁hit，大收3.7億台幣嘅電影《我的少女時代》，原來客串的劉德華有份投資，佢今日仲為咗呢部戲現身造勢，喺松菸廣場慶功謝票。
唔少粉絲風聞華要到場，甚至前一晚已經嚟到現場一早霸定位舉牌，同場亦有唔少男主角王大陸嘅粉絲，
王大陸同女主角宋芸樺首先現身，一出場見到咁多人都好驚訝，兩個人重演《少女時代》劇情話：「以後我叫劉德華，唱給你聽！」之後華仔就喺大銀幕後面現身清唱《忘情水》，搞到在場粉絲V嘩鬼叫。
華仔喺現場又不斷搞笑，話睇到部戲劇本好爽，因為「終於有人寫我了」。見到兩個後起之秀又搞笑：「有壓力，我現在尖叫聲好像變少了。」對於後輩嘅建議，佢就話：「成功路上不用急，因為沒人撐這麼久。慢慢來，跟我一樣，撐30、50年！」
之後王大陸今先獻唱《練習》俾華仔，仲被恥笑走音，之後導演陳玉珊推著蛋糕出場，邊唱生日快樂歌，由於兩個人之前舌吻被影到，華仔都拎呢件事講笑：「沒想到他們真的是一對，都沒帶Key！」
來源: http://hk.apple.nextmedia.com/enews/realtime/20150920/54225844
吴建萍Jennifer
Amy Lam