[Movie]【我主場】華仔：我係偶像 喝止洪金寶教戲

■劉德華（左）與洪金寶在新片中演鄰居，華仔笑言很多事都要對方提點。

 

洪金寶（大哥大）和劉德華主演的《特工爺爺》，故事講述退休特工患有健忘症，洪金寶說：「呢個老人家係個已經退休嘅中南海特工，佢有段相當好嘅故事。」華仔說：「睇劇本覺得喺咁嘅性質底下嘅人，接受咁多訓練，我覺得佢哋嘅腦部受創應該幾大，因為不停運作。今次故事唔係將攞咗記唔到嘅事變成劇情，而係講一個好正常嘅老人家，佢退咗休，再高呼一次自己生命曾經做過一次錯失，就係唔見咗孫女，佢好想慢慢修復番自己嘅心情，咁蹺就撞到我呢個唔會照顧個女嘅鄰居，佢就彌補番自己嘅缺失，所以佢就當咗我個女係佢個孫。」

■「鐵三角」再出山，全靠洪金寶一個電話，認真有面。

 

搵麥嘉做茄喱啡

提到邀請久未露面的麥嘉、石天、徐克出山，洪金寶笑說：「我覺得茄喱啡唔識行路，咁不如叫麥嘉嚟做啦，我打個電話，佢哋就嚟拍，好多謝佢哋。」平時跟他們有沒有約出來相聚？洪金寶笑謂：「唔聚㗎，冇利用價值就唔聚，hi都唔hi，其實因為個個都好似遊戲人間，依家麥嘉好鍾意做大戲，成日去唱大戲，佢又享受，但唔拍戲，咁見我叫到佢，佢就嚟喇！」
跟一班師兄弟拍打戲，自然有默契，洪金寶說：「其實我同任何人打都有，我係學校入面最成功嘅一個，因為我係下把，同邊個打都打得到。」講到洪金寶身手敏捷，平時是否有練功？他笑指自己平時只郁動上唇和下唇：「食，食完又食，哈哈！其實係自細練嘅功夫底比較好，依家就keep住郁上唇同下唇，一係講，一係食。其實我都會郁，因為好多關節都唔得，我通常游水、行45分鐘，我依家行幾步都痛。」如果要拍打戲，豈不是更容易受傷？洪金寶表示會忍痛頂硬上。