[Movie]【劉華着校服】與劉德華唱《忘情水》 王大陸甩嘴忘詞 / 《我的少女時代》台灣票房佳 期望香港幾多票房？ 華仔：忐忑不安
(蘋果日報即時新聞)
王大陸﹑李玉璽﹑宋芸樺﹑簡廷芮及女導演陳玉珊，今晚喺奧海城出席《我的少女時代》首映禮，而有份投資嘅劉德華，則身穿可立校服現身，令現場300市民及粉絲high爆，佢哋企滿商場，尖叫聲不絕，而現場有班粉絲更身穿校服撐場，眾星走埋去合照。
眾星喺台上分享，王大陸表示之前喺台灣睇咗八次呢部戲，0依家就睇咗十一次，宋芸樺表示收到劇本後話好鍾意，指角色本身同自己唔一樣，簡廷芮則謂拍戲時收到好多情信，但自己嘅少女時代就冇收過，所以拍戲時好享受。
而王大陸喺台上唱《忘情水》，全場即大叫，惟大陸表現緊張失準，唱到甩嘴忘詞，此時劉華突然現場，粉絲大叫尖叫，華仔甫上台就扁嘴：「他們騙我，我在台下一直唱，但沒人管我（冇人理）。」 大陸與華仔合唱《忘情水》，但大陸仍然甩嘴，唱完後導演笑佢忘記歌詞，王大陸就坦言太緊張。
此外，宋芸樺表示拍攝電影時係冬天，所以都幾凍幾辛苦，可惜拍完電影都冇見過華仔，好彩之後再喺台灣見到，今晚又再見到，有種夢想成真感覺。
《我的少女時代》台灣票房佳
期望香港幾多票房？ 華仔：忐忑不安
(蘋果日報即時新聞)
今晚劉德華同《我的少女時代》班演員包括宋芸樺﹑王大陸及李玉璽等，出席首映禮。《我》喺台灣已破四億台幣票房，成績斐然，問華仔期望香港有幾多票房？華仔以廣東話笑言：「老實講，我心裡忐忑不安，因為我都有戲上（《解救吾先生》），但撞到佢哋，我可以話畀大家聽，嗰部（指《解》）我唔係做老闆，呢部我先係做老闆，『吾先生』條命唔好，如果買票買這個。」
問華仔覺得演員演成點？佢話：「大家去睇下啦，我驚大家覺得我偏心，我當然話好，但大家睇完後唔會話我偏心。」點解投資呢部戲？佢話：「我不嬲都投資市場奇奇怪怪電影，個結果又幾好喎。」華仔又同演員繑手擺心形甫士合照，大會安排寫住6500萬嘅氣球，話呢個佢哋期望嘅香港票房。華仔見到氣球後笑言：「吾先生麻煩了。」
華仔今晚着住可立校服出現，問到係咪當年套校服？佢話：「唔係，買咗件新。」問到對新戲票房有冇信心？華仔表示：「有啩。（打破《那些年，我們一起追的女孩》紀錄？）我唔知呀，佢哋取向啦，希望好啦，唔好搞我呢部，最後兩部一齊好。（如果票房好點慶祝？）請食飯。」
問王大陸會否再裸泳？王表示不會了。華仔在旁則謂：「我充耳不聞。」記者提議大陸不如搵埋華仔一齊裸泳？王表示：「老闆做，我OK呀﹗」華仔笑言：「那你一輩子以後不用拍戲了。」
問華仔會否叫王大陸喺香港裸泳？佢話：「其實冇叫佢，之前都係佢自願，唔好搞壞規矩。（再搵佢哋拍戲？）當然會，佢哋咁好。」講到王大陸唱《忘情水》時忘詞？佢話：「是的，好緊張。」仲即場同華仔講對唔住，佢話太耐冇唱，華仔則笑言：「其實佢冇唱過。」
【多相】賀票房齊裸泳？劉德華叫王大陸不要再拍戲
(明報即時新聞)
劉德華有份投資的電影《我的少女時代》今晚在港舉行首映禮，劉德華、男女主角王大陸宋芸樺、導演陳玉珊，以及草蜢、林嘉欣等齊齊撐場。劉德華、陳玉珊及王大陸接受訪問，劉德華被問到對電影票房有沒有信心時說：「希望好啦！」王大陸早前曾裸泳慶祝《我的少女時代》在台灣票房破3億台幣，有人建議倘若香港票房好王大陸與劉德華一起裸泳，王大陸笑說：「一起做？老闆說好我就OK！」劉德華擰頭「恐嚇」王大陸說：「一輩子不要再拍戲了！」
Image 2 of 9 – （左起）劉德華、導演陳玉珊、男主角王大陸出席《我的少女時代》香港首映禮。
來源: http://ol.mingpao.com/php/showbiz3.php?nodeid=1444743830666&subcate=latest&issue=20151013
吴建萍Jennifer