[Movie] 70歲不言休 許冠文望再度拍出彩虹

(頭條日報)

現年70歲的「冷面笑匠」許冠文雖然處於退休狀態，但對香港電影未死心，日前他接受now陳海琪《海琪的天空》錄影訪問時，便自爆16年來，心目中有幾個劇本不斷修改中，留待不日上映！更希望以港產片《桃姐》作為藍本，既是本地創作，又有香港特色，最重要將悲劇人物活出彩虹，感覺世界的美好。採訪：方騫平

引領本港喜劇電影的代表人物許冠文對香港電影仍然感到興趣，近年未有作品，只因時機未到。他說：「依家為遷就內地市場，但凡題材敏感、諷剌時事、涉及政治都拍唔到，依家電影仲要加入九唔搭八大陸文化，香港人都唔太明白，單係兩地愛情觀就好唔同啦。我堅持拍一部迎合香港700萬人故事，引發內地同胞興趣，用咁態度就，遷就人，香港電影就唔吃香啦。香港電影未死，只要有一、兩部叫好叫座港產片跑出，就有帶動作用。」

反對拍悲劇

隨年紀增長，故許冠文對劇本要求愈來愈多：「以前單純係搞笑就夠，現在要有內容，最好似港產片《桃姐》，題材新鮮、有劇力，有人情味，仲做到鯪魚肉湯同蒸土魷香港特色，觀眾唔介意留戲院兩小時，最重要睇完出，感覺到個世界靚過以前！我睇完就偷笑三幾日！我反對拍悲劇，殘酷現實太多，唔使再反映出來。」

http://www.hkheadline.com/ent/ent_content.asp?track=news&contid=216912&srctype=n