[Music]【慢慢習慣？】劉德華心掛掛新片主題曲 黑仔吳卓羲蝦碌頂檔

(蘋果日報即時新聞)

劉德華喺新片《拆彈專家》真係一腳踢，唔單止自己監製同主演，首國語版主題曲《慢慢習慣》都係由佢主唱兼填詞，而新歌主題曲MV已經有得睇，入面剪輯咗華仔同女主角宋佳嘅感情戲。 

不過，廣東話版主題曲就唔係華仔自己唱，原本華仔錄完國語版後，就飛咗去泰國拍廣告，諗住拍完返嚟至錄廣東版，點知不幸墮馬受傷，結果入唔到錄音室，而佢喺醫院養病時仲係掛住呢件事，成日話爭大家一首歌。 

戲中佢嗰3位好兄弟姜皓文（黑仔）、吳卓羲同蔡瀚億（BabyJohn）即刻拍晒心口，自薦幫華仔完成未完嘅部份，但效果就好蝦碌。好少開金口嘅黑仔同BabyJohn，加埋唱過吓歌嘅吳卓羲拎到歌詞之後，即報定案話：「唱得唔好聽唔好見怪。」經過一輪練習，先至捉到個拍子，音準漸入佳境，黑仔同BabyJohn好興奮，吳卓羲就掩臉笑兼反白眼。 

到正式錄音，黑仔負責拎咪，吳卓羲打拍子，但唱唱吓又亂晒籠，唔單只唱錯歌詞，黑仔仲亂入，即刻俾吳卓羲話：「未到你呀！」幾經辛苦終於唱完，佢哋都笑話唱歌比拍戲辛苦好多，尤其係「華腔」難學。

仲有華仔型英帥嘅場面

 

 

BabyJohn、黑仔同吳卓羲自薦幫華仔錄音。

真係錄到…？

來源: http://hk.apple.nextmedia.com/enews/realtime/20170412/56554770