[Other]黃日華感謝好友慰問

衣不解帶照顧愛妻

黃日華man爆宣言：我做到嘅嘢，都自己做!

(蘋果即時新聞)

黃日華愛妻梁潔華上月中突患急病入九龍塘浸會醫院，昨日更有周刊報道指她免疫力全失，需入住隔離病房，更指其高燒不退，且需接受化療。

昨午黃日華女兒黃芷晴，於一商場活動上，已否認母親如報道所言患血癌，亦否認發高燒，但就承認免疫力出問題，不過情況OK，囑大家放心及保重身體。

昨晚十時半左右才離開醫院的黃日華，今午一時十五分右再到醫院探望愛妻，芷晴未有同行。只見黃日華戴上口罩，精神不俗，而且見眾傳媒在守候，他亦主動停低受訪，態度友善。

見黃日華手持食物慰愛妻，問他今天會吃甚麼？他笑謂：「都係嗰啲啦！」昨晚他曾表示太太應可於農曆年出院，今日再問他是否快要出院了？黃日華表示：「應該就快。(新年前？)係，冇錯。」心情方面，他亦承認謂：「輕鬆咗啲，依家進展得好好。」至於醫生有何意見？黃日華說:「控制中，比理想OK。」

提到女兒芷晴擔心母親病情，但又得強撐精神工作及出騷，問黃日華女兒是否很擔心？他說：「係人都會擔心，不過佢(梁潔華)唔想令兄弟姊妹擔心，嚇親佢哋，所以一路低調進行。」

黃日華自愛妻入院後，每日衣不解帶到醫院照顧她，還得開工及照顧女兒情緒，問他辛苦嗎？他就:「唔緊要，最辛苦都係拍戲，拍戲都捱得到，更何況呢啲嘢？應該要做嘅！冇問題!我唔想打搞咁多朋友，唔想令佢哋擔心，所以自己做到嘅嘢都自己做！」硬錚錚鐵漢，令人感動！

黃日華又承認，自從報道刊出後，不少好友致電或發短訊慰問，他笑言：「係呀，今早爆晒機，劉師傅、三哥三嫂，好多朋友打嚟，打攪到大家，唔好意思，放心放心，絕對冇問題。最緊要有信心。」

他表示太太一路有服藥，又打趣謂：「太太食得又瞓得仲肥咗。(係咪靚咗？)係，冇問題，大家放心！」入升降機前更向傳媒揮手示意。 

來源: http://hk.apple.nextmedia.com/enews/realtime/20140120/52109190